Sunday, August 16, 2026

​ජීවිත කාලෙට හිමි කරගන්නට - රසිකා ඉඹුල්ගොඩ

Apata Lebunu CD.jpg
ජීවිත කාලෙට හිමි කරගන්නට, වරම ලැබුණු වේලේ
සිතේ උඩඟුකම හින්දා මා පිළිකුල් කර දැමු දේ
කලකට පස්සේ, සිතට ඇතුල් වී
සිත රිදවනවා, හදවත පාරනවා

පැන දුවන මුවන් දැකලා
නෙළූ පලා බිම නොදා රකින්නයි
මාත් අසා තිබුණා
ඒ උපදෙස මඟහැරුණා

මගෙ අතට ආ කුරුල්ලා
පියාඹනා දහසකටත් වැඩියෙන්
හොඳයි අසා තිබුණා
ඒ බව මතකෙන් මැකුණා

අත්තෙන් අත්තට පනිනා
කිරිල්ලියක වුව තෙමී නසින බව
උපදෙස් මට ලැබුණා
මා සවන් අගුල් වැටුණා

© Rasika Imbulgoda, 2025

පෙරුම් පුරමින් හමුවුණේ - රසික සූරියආරච්චි

පෙරුම් පුරමින් හමුවුණේ
එදා විඳි දුක් යළි විඳින්න ද?
සුසුම් හෙළමින් වෙන්වුණේ
සදා ඒ ගැන පසු තැවෙන්න ද?

අතින් අත පැටලුණු නිමේෂය
සිහිනයක් සේ ගෙවීලා
සිතෙන් සිත සිරවුණු වදන් වැල්
දෙතොල් මත්තේ මිදීලා

භවෙන් භවයේ පුරුදු විලසට
අදත් ඇත දුක උදා වී
මෙවන් මොහොතක් යළි නොඑන්නට
කරමු අදිටන් ප්‍රියාවී

-රසික සූරියආරච්චි

හෙන්දිරික්ක මල් පිපිච්ච - අනුරුද්ධ වැලිගමගේ

හෙන්දිරික්ක මල් පිපිච්ච, පාට වැටුණු තරු දිලිච්ච
සඳ රැස් පිරි ගුරු පාර දිගේ
ගවුම පුරා මල් හැලිච්ච, හිනා හඬින් මුව පිරිච්ච
සුදු නංගිගෙ හිනාවයි අගේ

රෑ හීනෙන් මට පෙනිච්ච, මගෙ ම ව‍ගේ මට දැනිච්ච
විදුලි කොටන නෙත් යුවළ ඇගේ
ඇඹුල බෙදන කොට පෙනිච්ච, රන් තැඹිලිය සේ පිරිච්ච
හංස යුවළ හරි දඟයි වගේ

තනි යහනේ දුක දැනිච්ච, සුසුම් හැඟුම් ගුලි ගැහිච්ච
කාලය දැන් නිම වෙලා වගේ
අහස පුරා සඳ පිරිච්ච, පැතුම් පොකුරු මල් පිපිච්ච
ඔබෙන් බහක් ලැබෙයි නම් අගේ

© Anuruddha Weligamage, 2026

මේ අලුත් කවියක්


ස්තුතියි.

ජූලි සහ අගෝස්තු මාසවල සංස්කාරක සටහනේ ද, අගෝස්තු මස ඊ-මේලයේ ද දැනවූ පරිදි මෙතැන් සිට "සිසිල" සඟරාව පළවෙන්නේ මාසිකව ඊ-මේල්මගින් බෙදා හැරෙන පීඩීඑෆ් ගොනුවක් ලෙසින් නොව, වෙබ් අඩවියක් ලෙස ය.

-රසික සූරියආරච්චි, සංස්කාරක, සිසිල සඟරාව

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...