Thursday, May 28, 2026

පෙරුම් පුරමින් හමුවුණේ - රසික සූරියආරච්චි

පෙරුම් පුරමින් හමුවුණේ
එදා විඳි දුක් යළි විඳින්න ද?
සුසුම් හෙළමින් වෙන්වුණේ
සදා ඒ ගැන පසු තැවෙන්න ද?

අතින් අත පැටලුණු නිමේෂය
සිහිනයක් සේ ගෙවීලා
සිතෙන් සිත සිරවුණු වදන් වැල්
දෙතොල් මත්තේ මිදීලා

භවෙන් භවයේ පුරුදු විලසට
අදත් ඇත දුක උදා වී
මෙවන් මොහොතක් යළි නොඑන්නට
කරමු අදිටන් ප්‍රියාවී

-රසික සූරියආරච්චි

© Rasika Suriyaarachchi, 2026


මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

Saturday, May 23, 2026

යොවුන් වියේ - අජිත් වික්‍රමරත්න

යොවුන් වියේ සොඳුරු සමය
ආදරයෙන් මුසු වූ හද
සිව් වසරක මතක සිහින
අවදි කරන දිනයයි අද

අතීතයේ සෙනෙහස මැද
අත්වැල් බැඳ හමුවන සඳ
පේරදෙණියෙ සෙවණ යටට
සිතින් ඇදෙන මොහොතයි අද

හන්තානේ සෙවනෙහී
සතුට සපිරි කාලයේ
යොවුන් දිවිය ගත වුණේ
යදම් නොමැති ලෝකයේ
නිදි වරා රැය පුරා
දැනුම සෙවූ ජීවිතේ
තිත්ත වූ, මිහිරි වූ
පේරදෙණිය ආදරේ

දුරින් දුර ගියත් අපී
ලොව පුරා මං පෙතේ
නො මැකුණේය කිසි දිනේ
අපගේ සබඳකම් බලේ
එක්ව අත්වැල් බැඳන්
හමුවෙනවා අද දිනේ
රැකෙයි සෙනේහය සදා
අපේ සොඳුරු හදවතේ

© Ajith Wickramaratne, 2026


මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

ආදර පියාණනි - පාලිත ගනේවත්ත

ආදර පියාණනි
මා ඔබගේ පුතු වේ

කුමර වියේ නිති මා ළඟ රැඳිලා
ආදර වදනින් මා හද නළවා
දිවි හිමියෙන් මා රැක ගත්තා
ආදර පියාණනි, මාගේ පියාණනි

බිළිඳු වියේ මා නිදි යහනේ දී
මා නිදනා තෙක් මා ළඟ සිටියා
නිඳි දෙව්දුව මා ළඟට එනතුරා
කියූ කතන්දර තාමත් මතකයි

පාසැල වෙත මා උදෙන් ම ඇරලා
මා හිස අතගා මා දිරි ගන්වා
උදම් වුණේ මා දස්කම් පෑවිට
ආදර පියාණනි, මාගේ පියාණනි

සරසවියෙන් මා උපාධි ලබලා
පිය සෙනෙහස පා මා සිපගත් දා
ඔබ දෙනෙතේ රැඳි සතුටු කඳුළු බිඳු
තාමත් මට මතකයි, මාගේ පියාණනි

© Palitha Ganewatta, 2026


මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...