Saturday, August 30, 2025

වෙල් ඉපනැල්ලේ තුරු සෙවණැල්ලේ - ඥාණා නාගොල්ල

වෙල් ඉපනැල්ලේ තුරු සෙවණැල්ලේ
පාවී එන මඳ පවනේ
සෙනෙහස තැවරුණ දහදිය බිඳුවක
සුවඳක් මට දැනුණා
කිරි බිඳුවක් වී දෙතොලට ළං වුණ
සුවයක් සිහියට නැඟුණා

දෑතේ කරගැට කුසගිනි නිව්වා
නුඹ දෙතනේ කිරි නැති හන්දා
හිත ඉකිබින්දා අපටත් රහසේ
නුඹ නෙත් කඳුළැලි මදි හන්දා
දහසක් කරදර හිස මත දැරුවා
දෑතට අප බර වැඩි හන්දා
පියාණේනී ඔබ මතු බුදුවන දා
බෝමැඩ වෙන්නෙමු සෙවණ සදා

අපගේ දිවි මඟ වංකගිරිය ළඟ
නොසැලී ඉඳ අත දුන්නා
අපහට දෙන්නට වංකගිරි වනේ
මොනවාදෝ ඔබ සෙව්වා
පියාණෙනී ඔබෙ මිණි මුතු ඔවදන්
ගන්නට පින් කර නැතුවා
බෝමැඩ වෙන්නට පෙරුම් පුරන අප
සසර මඟේ තනි වූවා

© Gnana Nagolla, 2025


මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

No comments:

Post a Comment

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...