Friday, February 21, 2025

සෙනෙහස බොඳකර - චන්ද්‍රා ආරච්චිගේ

සෙනෙහස බොඳකර, කඳුළැලි හිමිකර
ඔබ මට දුන් දුක දැන් ඇති හොඳටම
යළි මට හිරිහැර, කරදර නොකරන්
සදහට මගෙ ලොව අතහැර දුරුවෙන්

මගෙ සිත තුළ යළි ඔබ ගැන කිසිවිට
ඇති නොමවේ පෙර මා පිදු සෙනෙහස
මට මගෙ පාඩුවෙ ඉන්නට ඉඩහැර
යළි මා ගැන නොසිතනු මැන සදහට

ඔබ වැනි අදමිටු අයෙකු සමීපේ
විසුම ද දුකකිය ඒ පෙර පවකි ය
උපරිම දුරකින් වෙන් වී සිටිනෙමි
යළි ඔබ සෙවනැල්ලක් හෝ නොපතමි

© Chandra Arachchige, 2025


මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

No comments:

Post a Comment

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...