Saturday, March 23, 2024

රොබරෝසියා ගස් - අසිත උදයංග

රොබරෝසියා ගස් තාලයට මෙන් බිමට එවලා මල් වැහී
පයට පෑගී සුමුදු මල් පෙති ගියා සුළගේ වැනි වැනී
සුමුදු අත් පෙති පටලවාගෙන එදා පියමන් කළ හැටී
මලේ මල්පෙති හමන සුළගට වෙනස් වීලා නැති හැටී

විසල් ගස මත පිපුණු මලකට බඔරු නැහැ පෙම් කරන්නනේ
පුංචි පඳුරක පිපුණු මලකට ආදරේ ඇයි දැයි නොදන්නේ
දරන්නට බැරි පෙමක් ගුළි කොට සුළග මත පා කරන්නේ
නැවත පෙමකට ඇතුල් නොවෙනට හදේ දොර පළු වසන්නේ

කවියෙකුගෙ හිත කියව ගන්නට කවියමයි වැට බඳින්නේ
කොතෙක් කවිකම් කරත් කිසිදින කවිය නැහැ සිත පෙලන්නේ
අහසෙ තරු කැට බිමට හිමි නැත අහසෙමයි එය රැඳෙන්නේ
අහිමි තරුවට හඬා පල නැත දුරට වී එය විඳින්නේ

© Asitha Udayanga, 2024


මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

No comments:

Post a Comment

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...