Monday, January 15, 2024

නිසංසලේ ගලා හැලෙන - ශානිකා ශෂීප්‍රියා ද සිල්වා

හරි නිසංසලේ ගලා හැලෙන සෙනහස් ගං දෑළේ
ආදරේ සෙත් පිරිත ඇහෙනව රෑ තුන් යාමේ
ඔබ මගේ වෙලා උපදින හැම භවයක් වාරේ
පෙම් පහන් සිළක් වී දැල්වෙනවද හද මළුවේ

ජීවිතේ දුර්ගයකි සමනොළ ගිරි හිස මානේ
සෙනෙහසේ වාරුවට මට ඔබෙ උරහිස ඕනේ
ආදරේ බත උයා හිනැහෙන රෑ හඳ පානේ
මාවතේ ඇස් තියන් ඉන්නව ගෙට එන ගානේ

සැඩ හිරු කිරණට පිච්චී හිත දැවෙනා වාරේ
ඔබෙ සෙනෙහස සිසිලයි මට මහ නුග රුක වාගේ
අපෙ සමනළ පැටවුන් ඇහැරී හඬනා වේලේ
ගුළි වෙන්නට ඔය ඉසිවර සුව පපුතුර ඕනේ

© Shanika Shashipriya de Silva, 2024


මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

No comments:

Post a Comment

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...