Tuesday, December 26, 2023

ගනඳුරු වැටෙනා - චන්ද්‍රා ආරච්චිගේ

ගනඳුරු වැටෙනා මේ මොහොතේ
මගේ අඳුරු ලොව එළිය සදා
පායා එනවා
බලාපොරොත්තුවෙ රුවන් තාරුකා
පායා එනවා

තුන් වසරක දුක් ගින්න නිවන්නට
ගිලන් හදට සුවසෙත සලසන්නට
සිතේ සියක් ගී පද ලියවන්නට
පායා එනවා
බලාපොරොත්තුවෙ රුවන් තාරුකා
පායා එනවා

සීත සිසිරයට උණුසුම දෙන්නට
වසන්තයේ මල් පුබුදාලන්නට
ජීවිතය ම සුවඳවත් කරන්නට
පායා එනවා
බලාපොරොත්තුවෙ රුවන් තාරුකා
පායා එනවා

© Chandra Arachchige, 2023


මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

No comments:

Post a Comment

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...