Monday, December 25, 2023

ආදරේ දිවි මඟට - රසිකා ඉඹුල්ගොඩ

ආදරේ දිවි මඟට සිසිල සොම්නස ගෙනේ
ඒ නමුත් පෙම් බැඳුම් ජීවිතය නම් නොවේ
අරුත්සුන් විරහ ගී පද ඉවතලනු මැනේ
ගෙවී ගිය අතීතෙට නොහඬන්න කිසි ලෙසේ

ජීවිතය කිසි දිනක, කිසිවිටක නොනැවතේ
හද ගැස්ම ඇති තුරා, රුහිරු දිවෙනා තුරා
අඳුරු වත්මන ඉරා හෙට ඉරක් පායතේ
පරාජයෙ ගෙබිම මත ජය මැදුර ඉදිවෙතේ

ජීවිතය ඉදිරියට රැගෙන යන නියමුවා
තිරසාර අදිටනයි ඔබ සිතේ ඉපදෙනා
උත්සාහයෙන් තොරව නමුදු ඒ නොසීහේ
උත්සාහ ජල පොදෙන් අදිටනේ මල් පිපේ

© Rasika Imbulgoda, 2023


මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

No comments:

Post a Comment

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...