Monday, October 23, 2023

එල් නීන්‍යෝ, ලා නීන්‍යා - රමණී ප්‍රියන්තා වීරසේකර

කපා වන පෙත්, තනා මංපෙත්
මහා මන්දිර ගොඩනගා
ඔබේ දරුවන් සිනාසෙන හැටි
සදාකාලික සැප සොයා
මෑණියනි ඔබ බලා සිටියා
මිහිමඬල මුව දොර අයා
එල් නීන්‍යෝ, ලා නීන්‍යා

දවා ගල් අඟුරු නගා දුම් රොටු
සිහින ලෝකය කැඳවලා
සීත කඳු මත අයිස් කවරය
ගලා හැලෙනා හැටි බලා
ඈත හිමයේ වලස් කැල දැන්
අනේ ඇත වල්මත් වෙලා
පියාණෙනි ඔබ සුසුම් හෙලුවා
අහස්කුස ඈතට වෙලා
එල් නීන්‍යෝ ලා නීන්‍යා

ලඳු කැලෑ වඳවෙලා දැන් ඇත
කාන්තාරය වැඩිවෙලා
කඳු කැඩී දිය ගලා දැන් ඇත
යටවෙලා අප මිහිතලා
අනේ දරුවනි රජවෙලා ඇත ඔබේ ලෝකයේ
එල් නීන්‍යෝ, ලා නීන්‍යා ලා

© Ramani Priyantha Weerasekara, 2023
මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

No comments:

Post a Comment

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...