Tuesday, December 29, 2020

සුපුන් සඳ එයි නැගී - දීපිකා සුන්ද්‍රාවඩුගේ

සුපුන් සඳ එයි නැගී නිලඹර
සිඳී මිහිමත පැතිරි ගනඳුර
අහස් කුස සොඳ අරා පැතිරුණු
සහස් තරුකැට ඇතේ විසිරුණු

වැටී සඳකැන් සයුරු දිය මත
රඟයි මින් රළ තුටින් ඒ මත
පෙරැළි කරමින් සයුරු ජල කඳ
ඔසැවි නැඟ එයි ලෙසින් රළ පෙළ

සිනිඳු වැලි ඇති වෙරළ තල මත
සුදෝ සුදු රළ පෙළ ඇදී එන
සොබා දිය දම් දිනිති මනරම්
පොබා ඇත සිත් සතන් මනකල්

© Deepika Sundrawaduge, 2020


මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

No comments:

Post a Comment

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...