Wednesday, December 23, 2020

වලාකුළෙන් හඳ වැහිලා - පාලිත ගනේවත්ත

ගේය පද රචනය: පාලිත ගනේවත්ත
සංගීතය සහ ගායනය: ප්‍රියානී ගනේවත්ත
සංයුක්ත තැටිය: රුවැත්තියේ (2010)

වලාකුළෙන් හඳ වැහිලා
නගරය ඉහළින් අහසේ
මටත් හොරා ඉගිල්ලිලා
මගෙ හිත යන්නේ කොහෙදෝ
මගෙ හිත යන්නේ කොහෙදෝ

අඹ ගහ මුදුනේ අහසේ
හඳ පායාලා දිලිසෙනවාදෝ
අම්මා බණ පොත පෙරළාලා
හෙමින් සැරේ මුමුණනවද
හෙමින් සැරේ මුමුණනවද

හාන්සි පුටුවේ වැතිරී
තාත්තාට දැන් නින්ද ගිහිල්ලා
මගේ කාමරේ පාළුවෙලා
පොත් මේසය හිස්වීලා
පොත් මේසය හිස්වීලා

දුවයි පුතයි මැද සාලේ
නුහුරු බසින් මුලු ගෙදරම පිරිලා
සිතිවිලි දුර යයි පියඹාලා
මාගේ දෑසම බොඳ වීලා
මාගේ දෑසම බොඳ වීලා

වලාකුළෙන් හඳ වැහිලා
නගරය ඉහළින් අහසේ
මටත් හොරා ඉගිල්ලිලා
මගෙ හිත යන්නේ කොහෙදෝ
මගෙ හිත යන්නේ කොහෙදෝ
මගෙ හිත යන්නේ කොහෙදෝ

© Palitha Ganewatta, 2010
මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

No comments:

Post a Comment

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...