Monday, October 26, 2020

සිරි සිරියට මල් වැහි පොද - සේන ගුණසේකර

සිරි සිරියට මල් වැහි පොද අඳුරට ගොම්මන් යාමේ
සොඳ නැටුම් නටන වැහි කැට තණ බිස්සෙදි බිඳුණා වේ
වා කවුළු දොරෙන් සීත සළුව මගෙ ගත වෙළුණා වේ
උණු කෝපි කොහෙද මගේ මුවට සීතල දැනුණා වේ

චණ්ඩ සුළඟ තුරු අඹරා ගෙට එබිකම් කෙරුවා
නුඹ නතර කරල දොර වහන්න මැණිකේ අද නැතුවා
මුළුතැන්ගේ හරි පාළුයි ලිප ගින්දර නිවිලා
ගෙයි පහන නැතිව අද කලින්ම බිම් කළුවර වැටිලා

පමා වෙලා ගෙට ආවට මල් පැණි තොල ගාලා
මගෙ මැණිකේ මහ ගෙදර ගියා අමනාපෙන් ඔරවා
වැහි කුණාටුවේ හිත් ගින්දර අරගෙන ඉගිලීලා
මගෙ පහන් තරුව අරන් වරෙන් ශෝක සුසුම් මකලා

© Sena Gunasekara, 2020
මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

1 comment:

  1. මත් පැන් පානය කර පමා වි ගෙදර ආ සැමියා හා අමනාපව බිරිඳක් සිය දෙමාපියන්ගේ ගෙදර යාම හා ඇය නැති පාලුව අපූරුවට සිතුවම් පටක් සේ මැවී පෙනේ.
    - නිහාල් රූපසිංහ

    ReplyDelete

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...