Sunday, October 18, 2020

පහන් සිළ ඔබ ළඳේ - රසික සූරියආරච්චි

පහන් සිළ ඔබ ළඳේ

දුරාතීතේ සිහින සමයක
විදා හරිමින් සඳක සිසිලස
හදේ කෙළවර සෙමෙන් දැල්වුණු පහන් සිළ ඔබ ළඳේ
අඳුරු මා ලොව එළිය කරවූ පහන් සිළ ඔබ ළඳේ

මියුරු ගී පදයක තාලයට
සෙමෙන් නැළැවී මුදා සනහස
මගේ දෙනයන වශී කර වූ පහන් සිළ ඔබ ළඳේ
නිමේෂයකට හෝ ලොවේ ඇති
සොඳුරු බව මා නෙතට පෙන්වූ පහන් සිළ ඔබ ළඳේ
සදාකල්හිම ඔබ මගේ යැයි
පැතුම් ගොන්නක් ජනිත කර වූ පහන් සිළ ඔබ ළඳේ

මගේ කළ පින් මදි වුණා දෝ
යළිත් අඳුරේ දිවිය ගිල්වා
මා සදා කල් තනි කළා වූ පහන් සිළ ඔබ ළඳේ
සැපේ අවසන දුක නියත බව
ලෝ දහම් අට මට කියා දුන් පහන් සිළ ඔබ ළඳේ

© Rasika Suriyaarachchi, 2005
මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

No comments:

Post a Comment

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...