Tuesday, October 20, 2020

ගහ කොළ දළු දා නිල්ලේ - ෂාමලින් පෙරේරා

අවුරුදු උදාව

ගහ කොළ දළු දා නිල්ලේ
නෙක නෙක මල් සැරසිල්ලේ
අතුවල බැඳි ඕවිල්ලේ
පැද්දෙමු අපි නැළැවිල්ලේ

කිට්ටුයි කිට්ටුයි අවුරුදු
පොට්ටුයි පොට්ටුයි එරබදු
වළලු නටන දෑත් සුමුදු
රබන් හඬින් ගම ම පුබුදු

පිනි පොද සිරි සිරි වැටෙනා
නව හිරුහට ආවඩනා
කොවුල් තුඩින් ගී ගැයෙනා
කජු පුහුලන් පැණි පෙරෙනා

රතිඤ්ඤ ඩොන් චට පට පට
රස පිරි අතිරහ අපහට
අලුත් ඇඳුම් සැම ගත වට
නව අවුරුදු ජයයි අපට

බුලත් හුරුළු දෑත පුරා
නෑදෑ කැල සපිරි වරා
හෙළ අවුරුදු සිරිත් පුරා
පිබිදෙමු නව ලොවක් කරා

© Sharmaline Perera, 2020

මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

1 comment:

  1. ලස්සන පද පෙළ

    Nihal Rupasinghe

    ReplyDelete

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...