Thursday, October 29, 2020

අප්පච්චී - පූජ්‍ය කුඩාගල කෝවිද හිමි

ගේයපද රචනය: පූජ්‍ය කුඩාගල කොවිද හිමි
සංගීතය: ක්‍රිශාන්ත වීරසිංහ
ගායනය: දිනාලි සෝමවීර

අප්පච්චී ඔබ කොයිබද යන්නේ
අප හැරදා මෙලොවින් සමුගෙන
බැහැ වාවන්නට මගෙ හද ගැහෙනව
කවද දකින්නද යළි ඔබ අප්පච්චී
කවද දකින්නද යළි ඔබ අප්පච්චී

අප වෙනුවෙන් ඔබ දහදුක් වින්දා
මහමෙර සේ හද සෙනෙහස රන්දා
ගැහුවත් රැවුවත් ඔබ මට ඉඳහිට
සෙනෙහස තිබුණා ඔබගේ හද යට
අප්පච්චී මගෙ ආදර අප්පච්චී

වැටහුණ නැතිමුත් එදවස එය මට
දැන්නම් වැටහෙනවා මට හොඳටම
බැන්නත් ඔබ හට ඒවට ඉඳහිට
සමාවෙන්න අප්පච්චී ඒවට
අප්පච්චී මගෙ ආදර අප්පච්චී

අප්පච්චී ඔබ කොයිබද යන්නේ
අප හැරදා මෙලොවින් සමුගෙන
බැහැ වාවන්නට මගෙ හද ගැහෙනව
කවද දකින්නද යළි ඔබ අප්පච්චී
කවද දකින්නද යළි ඔබ අප්පච්චී

© Rev Kudagala Kovida, 2020

ගීතය අසන්න, නරඹන්න.



මේ වෙබ් අඩවියේ පළ කෙරෙන සියළුම ගේය පද නිර්මාණවල බුද්ධිමය අයිතිය සහ එම නිර්මාණවල අන්තර්ගතය පිළිබඳ වගකීම ද, රචකයා සතු ය.
සියලු හිමිකම් ඇවිරිණි. රචකයාගේ අවසරකින් තොරව මෙහි පළකර ඇති නිර්මාණ සම්පූර්ණයෙන් හෝ එහි කොටස් හෝ උපුටා ගැනීම, මුද්‍රිත, ලිඛිත, ඉලෙක්ට්‍රොනික ආදී කවර මාධ්‍යකින් හෝ පිටපත් කිරීම, පළ කිරීම, විකාශනය කිරීම, අනුවර්තනය කිරීම හෝ වෙනත් නිර්මාණයක් සඳහා යොදා ගැනීම ද සපුරා තහනම් ය.
ගීතයක් හෝ වෙනත් නිර්මාණයක් සඳහා මේ ගේය පද භාවිතා කිරීමට අවශ්‍ය නම් කරුණාකර ඒ සඳහා නිසි අවසරය ලබා ගන්න. ස්තුතියි.
GeeLiyamu@gmail.com

1 comment:

  1. නිර්ව්‍යාජ සරලව පිය ස්නේහය ගායනයට සුදුසු ලෙස අකුරු කර ඇත. අපූරුයි.
    -නිහාල් රූපසිංහ

    ReplyDelete

​ජීවිත කාලෙට හිමි කරගන්නට - රසිකා ඉඹුල්ගොඩ

ජීවිත කාලෙට හිමි කරගන්නට, වරම ලැබුණු වේලේ සිතේ උඩඟුකම හින්දා මා පිළිකුල් කර දැමු දේ කලකට පස්සේ, සිතට ඇතුල් වී සි...